No comments yet

VCBC Mino le Chin Christian Council in Australia Youth (CCCAY) Pulpit Thlen Program

10 February 2019: Chin Christian Council in Australia (CCCAY) nih kum khat voikhat a tuahmi “Pulpit Thlen Program” he pehtlai in VCBC Mino hna cu Lai Christian Church Melbourne (LCCM) ah an tlawng hna. VCBC Mino hna chung in minung 50 renglo an itel kho i pumhnak zongah anmah nih caan an hman.

“CCCAY cu Australia ram pumpi ah a ummi Chin Krihfabu 14 fonh in dirhmi Chin Christian Council in Australia (CCCA) tangah a um mi Mino Hruainak (Youth Department) a si. Mino chungtel dihlak hi 4550 hrawng an si lai tiah ruahdamh a si. Hmailei ah ramchung le ramleng (kawlram) ah a ummi Chin mino hna karlak ah tha tein pehtlaihnak a um i, miphun le biaknak caah biatak tein rian an tuan khawhnak hnga caah saduhthah le tinhmi a ngeimi asi, tiah CCCAY chungtuan bawmtu Robert Hram Hlei Cung nih a chim.

Pumhnak ah VCBCY lei in hlarem, solo le Praise and Worship hna telh in caan an hman. New Zealand lei in awtha minthang Van Hlei Sung zong nih atel pi hna i solo zong asak piak hna. Inntek Krihabu zong nih hlarem dawh an kan sak piak.

Tutan hi 2019 chungah kan mino hna a voikhatnak Krihfabu dang ah an tlawn a si. Hi LCCM an tlawnnak ah kan Krihfa Upa chung in Upa Kawng Awi, Upa Hmun Kam le Upa Thla Uk nih an zulh hna i, kan mino Pastor Van Hei Lian nih thawngtha a chim.

Lai Christian Church Melbourne (LCCM) cu 2007 thok in Melbourne nichuahlei ummi Micham Baptist Church ah pumhnak a ngei mi Krihfabu a si. An dirhnak in atu tiang an Pastor cu Rev Chan Thang asi i, chungtel an dihlak 258 an si.Hi chungah upa 144 an si i hngakchia 114 an si.

LCCM Krihfabu cu CCCA chungtel 14 hna lak ah chungtel tling sinak a ngeimi Krihfabu a si.

CCCA Youth Department an riantuannak hna fiangdeuh in theih na duh, siloah, nangmah pumpak in tel ve na duh ahcun an website www.ccca.info ah zohkhawh a si.

Post a comment