No comments yet

PASTOR RAM CEU MANG HE BIARUAHNAK

Q1: Sunday School ah a kaimi hngakchia dihlak zeizat dah an si? Cawnpiaktu zeizatdah nan um?

RCM: Ngakchia hi kan dihlak in 300 hrawng kan si cang. Cawnpiaktu dihlak hi 17 kan um. Mah chung ahcun Nu 11  le Pa 6 kan si.

Q2. Sunday School cawnnak ah zeitindah phu (group) nan then hna?

RCM: Sunday School kai mi hna hi an kum hoih in phu thennak kan tuah hna i, an dihlak ah phuriat an um cang. Phu kan then ning le an dirhmun cu a tanglei bantuk hin a si.

Phu (Group) MinKum
Beginner One4-5
Beginner Two6-7
Primary One8
Primary Two9-10
Intermediate11-12
Junior13-14
Youth One15-16
Youth Two (Upa deuh a huam mi paoh telh an si chih)17 – 18+

 

Q3: Hngakchia hna cawnpiaknak ah hin zeibantuk thilri (cauk, tuanbia, le movie tbk) pawl dah kutken ah nan hman hna?

RNC: Cawnpiaktu nih an hmanmi thilri hna hi kan cawh ngaingai. Abik in kan hmanmi hna hi CACC nih a chuah mi, CBCUSA nih chuahmi, Mary Kate Warner tialmi ‘Teach Sunday School Lesson Pack’ le Mirang caa in chuahmi cauk dangdang hna an si.

Q4: Sunday School he pehtlai in harnak nan ton tawnmi pawl zeidah an si?

RCM: Atu tiang ahcun, Pathian lamhruainak thawng in harnak ngaingai kan tonmi cu a um lemlo. Amahbelte, cawnpiaknak kan dih hlan i nulepa hna nih an fale an rak lak tawnmi tuhi ka siarem deuh tawn lo.

03 March 2019 VCBC Sunday School dirhmun

Q5: Hringtu nulepa hna nih an fale Sunday School kainak kongah thazang an pek ning he pehtlai in na hmuh ning?

RCM: Khrihfabu nulepa nih cun an fale caah hin thazang an chuah i, cawnpiaktu zong an kan upat ngaingai. Cun, nai hrawng kum hnih/thum hna cu cawnnak chungah kan cawnpiak mi hna hi nulepa cheukhat nih inn ah tha tein an rak zohpi lengmang mi hna kan theih tik ah kan ilawm khun. Cheukhat nulepa hna nih cun an fale cawnnak (class) ah an kai khawhlo ding hmanh ahhin phone le viber group tbk in thawngthanhnak an kan tuahtawn i kan ilawm tuk.

Q6: Christian Education he pehtlai in Krihfabu pi nih thazang apek ning he pehtlai in na hmuh ning?

RCM: Ka lawmhmi le uan ngaingai mi cu, nihin tiang kan kalnak ah Khrihfabu pi nih thazang an kan pek taktak mi hi a si. Kan herh kan timi paoh cu an kan tuah piak ko. Atu cu, kan pastor hna zong nih kan fale thenkhat hna cawnpiaknak an kan ngeih piak cang i kaa lungsi tuk hringhren.

Q7: Christian Education (CE) Director rian na tuan chungah Sunday School a tlenning na hmuh ning?

RCM: Children Ministry ah kum riat chung dengmang ka um chungah, taksa in siseh, cawnpiaknak in siseh, kan fale nun ziaza in siseh, a thleng hringhren ko. Abik in, khrihfabu le nulepa nih Children Ministry zeitluk in dah a biapit timi hi fiang tein an nmuh khawh cang tiah ka ruah caah ka lawm tuk.

Q8: Children Ministry (CM) tha deuh chin lengmang in kan tuah/ser khawhnak hnga caah zeidah an biapi tiah na ruah?

RCM: Atu tiang Children Ministry (CM) thithruainak hi ka lungtling hringhren ko. Mah pinlei ah thadeuh le thawngdeuh in kan kal khawhnak dingah a biapimi pakhatnak cu, cawnpiak nak ah kan hman mi thilri hna (resources) hi an si. Pahnihnak ahcun, nulepa lei in Children Ministry (CM) riantuannak kong ah an hmuhning (a chiatnak le thatnak) hi tamdeuh in hmu kho sihlaw, cunih cun tampi an kan thlen lai tiah ka zumh.

Ka lawm

Post a comment