No comments yet

MINO HLACAWNNAK HE PEHTLAI IN BAIHALNAK (PART III)

Mah hi pehtlai in biahalnak kan tuahmi hi, ruahnak chim le langhter a duhmi hna nih mah lungtho tein leh a si. Ahohmenh thim hlei mi le duhdanh hlei mi an um lo. Biahalnak a phunphun kan tuah i, cu biahalnak hna cu a lettu hna nih an duhmi cio ithim in an kan leh. Kan i tinh bikmi cu, hlarem (choir) cawnnak thawng in pumpak cio nih hlawknak an co mi, midang thazangpeknak chimphuan khawhnak ding le hlacawnnak a thancho le athat chinchin nak hnga caah ruahnak tha an chuah khawhnak hnga kutka awnpiak an si. Tel a duhmi paoh itel khawh a si. Kum upa le hngakchia, nutung le patung tibantuk in then le rikhiah mi an um lo. Laitlang lei ah hlarem (choir) a rak cawng le sa belmi hna zong nih ruahnak le thapeknak chim na duh ahcun itel khawh a si thiamthiam.

Tutan kan biahalnak a kan lettu cu tulio kan mino hotu  Val. Van Za Tling a si.  A cungah lawmhnak tampi kan ngei.

Biahalnak: Hlarem (choir) na cawn ruangah thildang na tuahmi (sianginn kainak, rian le lenglei hawikomhnak) a hnursuan mi hna an um maw?

VZT: Hlarem (choir) cawnnak hi pumpak thil herh le bau he aaton caan tete a um ko. Asinain, hlarem (choir) cawnnak nih sianginn kainak, rianttuannak le hawikomhnak hi a hnursuang lo tiah keimah pumpak nih cun ka ruah.

Biahalnak: Sianginn kaimi, riantuan mi hna le lenglai thil dang ah manhlo ngai in a ummi mino hna hlarem (choir) an cawn khawh venak hnga caah ruahnak pek na duhmi hna?

VZT: Rianttuan le Siangin kai hi hmailei saduhthah kan ngeih cio mi tlinternak an si dih lai ti ka zumh. Sihmanhsehlaw, mahbantuk ttuan lio le kai lio caan ahhin kan lungthin ah Pathian a pakhatnak kan chiah a herh.

Baibal ah hla le ringawn in Pathian thangtthat an peknak kan hmuh khawhnak tampi an um. Culak ah pakhat cu, Paul le Silas thong an tlak lio ah ‘Aw le zai’ in Pathian an thangtthat kha thong a tla ve mi dang hna nih an rak hmuh/theih. Pathian cu hla in thangtthatnak an pek caah thonginn kutka cikcin hmanh nih acelh lo i acet dih. (Lamkaltu 16:28).

Kei hi 2009 ah ka phan i, ka phak ka in tutiang hlarem (choir) ka cawng. Hlacawn hi a sungnak pakhat hmanh a um lo, ka ngaichihnak zong a um lo. Ka aw chiat zongah hlarem (choir) saknak in Pathian thangtthat khawhnak caantha ka ngeihmi hi ka duh tuk, atu hnu zongah hlarem (choir) cawn hi ka ngawl lailo, a tthat zia le a nuamhzia ka theih pin ah ‘Pathian ka thangtthat’ ti hngal butein cawn ka zuam.

Paul le Silas nih Pathian hla in thangtthatnak an pek bang in, Mino hna nih hlarem (choir) sak/cawn ithim ve ulaw hmailei na lam thluan ah Pathinh nih miaknak, hlawhtlinak le thil dangdg zong an pek hrimhrim ko lai, Krifabu tthanchonak zong asi pin ah hawikom ttha le nupi/pasal ttha ngeihnak tiang khin Pathian nih an umpi lai. Thonginn kutka hrennak cikcin hmanh nih celhlo tiangin Pathian sunparnak a rak lang. Na caan sunglawi tawite chungah, kan sining dang cio hmanhsehlaw kan Pathian nih a kan pekmi kan aw cio hmang in, amah hlarem (Choir) saknak in sunparnak pe hram hna uhsih tiah VCBC Mino hawi dihlak kan sawm hna.

God Bless You All!

Ka Lawm

Van Ku

Post a comment